मोरङ– बिहीबार दिउँसो आफ्नै भाउजुलाई ढुङ्गा प्रहार गरी गम्भीर घाइते बनाएको अभियोगमा एक जना पक्राउ परेका छन्।
पक्राउ पर्नेमा बेलबारी नगरपालिका–७ केराटोल बस्ने ४० वर्षीय जगत बहादुर परियार रहेका छन्। जगत बहादुरले सामान्य घरायसी बिवाद हुँदा आफ्नै ३५ वर्षीया भाउजुलाई ढुङ्गा प्रहार गरेको जनाइएको छ।
गम्भीर घाइते बनाएको भन्ने खबर पाउनसाथ प्रहरी चौकी बाहुनीबाट खटिएको प्रहरीले उनलाई पक्राउ गरेको हो। घाइतेलाई उपचारको लागि न्यूरो अस्पताल बिराटनगर लगिएको छ। यस सम्बन्धमा थप अनुसन्धान गरिरहेको प्रहरीले जनाएको छ।
