काठमाडाैं– राहदानी विभागले पासपोर्ट जस्तै देखिने पासपोर्टको कभर खरिद बिक्री वितरणमा प्रतिबन्ध लगाएको छ। विभागले आइतबार एक सूचना जारी गर्दै पासपोर्ट जस्तै देखिने पासपोर्टको हरियो खोल बिक्री वितरणमा रोक लगाएको हो।
‘झट्ट हेर्दा साधारण राहदानीजस्तो देखिने राहदानीको खोल खरिद बिक्रीमा प्रतिबन्ध लगाइएको छ, विभागले जारी गरेको सूचनामा उल्लेख गरिएको छ।
यस प्रकारको खोल बिक्री तथा खरिद नगर्नु हुन सर्वसाधारणमा अनुरोध गरिन्छ। पछिल्लो समय पासपोर्ट जस्तै देखिने पासपोर्ट खोलहरु बिक्रिवितरण हुँदै आइरहेकाे पाइन्छ।
