म्याग्दी– म्याग्दीको भकुण्डेबाट थ्री नट थ्री राइफलसहित एक जना पक्राउ परेका छन्। बेनी नगरपालिका–२ भकुण्डेका ३० वर्षीय रेशम सापकोटालाई प्रहरी पक्राउ गरेको हो।
प्रहरीले सापकोटाको घरमा छापा मारेर थ्री नट थ्री भी ८९४० नम्बरको राइफल १ नाल, सोको म्याग्जिनमा लोड भएको गोली ७ राउण्ड, लोड गरी राखिएको भरुवा बन्दुक १ थान र उक्त बन्दुकमा प्रयोग हुने ३ डब्बा बारुद छर्रा बरामद गरेको हो।
प्रहरीले यस सम्बन्धमा थप अनुसन्धान गरिरहेको जनाएको छ।
