कास्की– अन्नपूर्ण आधार शिविरमा घुम्न गएका ७ जना बेपत्ता भएका छन्। बेपत्ता मध्ये चार कोरियाली नागरिक र तीन नेपाली रहेका छन्।
बिहीबार र शुक्रबार परेको हिमपातसँगै आएको हिम पहिरोको कारण आधार शिविरमा पुगेका नौ कोरियन नागरिकमध्ये पाँच जनाको हिजो(शनिवार) हेलिकप्टरमार्फत उद्धार गरिएको थियो।
जिल्ला प्रहरी कार्यालय कास्कीका प्रहरी उपरीक्षक दानबहादुर कार्कीले अन्नपूर्ण माछापुच्छ्रे आधार शिविर, छुमरुङ, देउराली र हिमालयन लगातका विभिन्न स्थानबाट अलपत्र परेका १०० भन्दा बढीलाई तीन वटा हेलिकोप्टरबाट उद्धार गरिएको जानकारी दिए।
नेपाली गाइडहरुमा सरोज परियार र छिरिङ भोटे तथा भरिया मिनबहादुर लामा सम्पर्क विहीन रहेका छन्।
