काठमाडौं– नेपाली बजारमा आइतबार सुनको मूल्य तोलामा दुई सय रुपैयाँले बढेको छ। शुक्रबार ७४ हजार ८ सयमा कारोबार भएको सुनको मुल्य आज २ सयले बढेर ७५ हजार पुगेको सुनचाँदी व्यावसायी महासंघले जनाएको छ।
यस्तै तेजावी सुनको मूल्य पनि बढेको छ। आइतबार तेजावी सुनको मूल्य ७४ हजार ७ सय कायम भएको छ। चाँदीको मूल्य भने स्थिर रहको छ। आजको लागि प्रतितोला चाँदीको मूल्य ८ सय ९० रुपैयाँमा कारोबार भएको छ।
अन्तर्राष्ट्रिय बजारमा पनि सुनको मूल्य बढेकाले नेपालमा पनि मूल्य बढेको हो।
