एजेन्सी– फेसबुक इंकले चिनियाँ राष्ट्रपति शी जीनपिङ्गको नामको रुपान्तरण गर्दा अर्थ गलत लागेकोमा माफी मागेको छ। हाल चिनियाँ राष्ट्रपति जीनपिङ्ग बर्माको भ्रमणमा छन्।
बर्माकी स्टेट काउन्सिलर आंग सान सु कीको आधिकारीक फेसबुक पेजमा राखिएको सो भ्रमण सम्बन्धि जानकारीहरु तथा चिनियाँ राष्ट्रपतिको नाम अंग्रेजीमा ट्रान्सलेट गर्दा ‘मिस्टर शिटहोल’ भएको थियो।
यसरि फेसबुकले चिनियाँ राष्ट्रपतिको नाम अंग्रेजीमा रुपान्तरण गर्दा अश्लिल शब्द आएको र त्यस्तो प्राविधिक गल्ती पुन नदोहोरीने भन्दै सो घट्नामा माफी मागेको हो। फेसबुकको बर्मिज डाटाबेसमा चिनियाँ राष्ट्रपति शीको नाम नभएको कारण यसले अनुमानको भरमा ट्रान्सलेसन गरेको कम्पनीले उल्लेख गरेको छ।
तर यो कसरी भयो भन्ने अझै स्पष्ट छैन तर गूगलको ट्रान्सलेसनमा भने यो समस्या देखिएको थिएन्। चीनमा प्रतिबन्धित रहेको फेसबुक हंगकंगलगातका अन्य स्थानहरुमा भने खुला रहेको छ।
