एजेन्सी– भेनेजुयलामा सुटकेसभित्र कोचेर प्रेमीलाई जेलबाट भगाउने एक युवती पक्राउ परेकी छिन्। भेनेजुयलाको उत्तरपूर्वमा रहेको जोसे एन्टोनीयो एन्जोआटेन्गुइ जेलभित्र थुनिएका इब्राहिम जोसे भार्गस गार्सियालाई उनकी २५ वषिर्या प्रेमिका एन्टोनीटा रोब्लेस साउदाले भगाउन प्रयास गरेकी हुन्।
प्रेमी भेट्ने बहानामा गुलाबी रंगको सुटकेस लिएर जेलभित्र पसेकी एन्टोनिटा आधा घन्टापछि जेलबाट निस्कँदा भारी सुटकेस देखेर एक सुरक्षा गार्डले शंका लागेर चेकजाँच गर्नेक्रममा इब्राहिम पोको परेर बसिरहेका अवस्थामा फेला परेका हुन्।
इब्राहिम कार चोरीको आरोपमा पक्राउ परेका थिए। उनलाई अदालतले ९ वर्षको जेल सजाय सुनाएको थियो।
