वीरगन्ज– चक्कु प्रहार गरी एक युवकको हत्या गरेको आरोपमा पर्साबाट तीन जना पक्राउ परेका छन्। पर्साको वीरगन्ज महानगरपालिका–११ घर भएका २२ वर्षी अजय कुमार साह, सोही ठाउँका २० वर्षी कृष्ण कुमार गुप्ता र २० वर्षकै राजन साह कानुलाई प्रहरीले पक्राउ गरेको हो।
गत पुस २० गते साँझ ५ बजेतिर वीरगन्ज महानगरपालिका–२२ जगरनाथपुरस्थित बाँसघारीमा मृत अवस्थामा फेला परेका २२ वर्षीय सुरेन्द्र सहनीको हत्यामा संलग्न रहेको अभियोगमा उनिहरू पक्राउ परेका हुन्।
पक्राउ परेका तीनै जनामाथि ज्यानसम्बन्धी कसुरअन्तर्गत कर्तब्य ज्यान मुद्दामा अनुसन्धान सुरु गरेको प्रहरीले जनाएको छ।
