मोरङ – धरान उपमहानगरपालिकाका पूर्व मेयर तथा समाजवादी पार्टीका केन्द्रीय सदस्य ध्यानबहादुर राईको निधन भएको छ। राईको पाटन अस्पतालमा उपचारका क्रममा सोमबार दिउँसो करिब १ बजेतिर निधन भएको हो।
६० वर्षीय राई क्यान्सरसँग लामो समयदेखि लँडीरहेका थिए। उनलाई क्यान्सरमा पनि दुर्लभ ‘स्क्वामस सेल’क्यान्सर थियो। भारतको दिल्लीस्थित राजिव गान्धी क्यान्सर अस्पतालमा उपचार सम्भव हुन नसकेपछि उनलाई एम्बुलेन्समार्फत नेपाल नै ल्याइएको थियो।
उनी २०४९ सालमा धरानको मेयरमा निर्वाचित भएका थिए भने पछिल्लो समय उनी समाजवादी पार्टीमा आवद्ध थिए।
