मकवानपुर– मकवानपुरको एक होटलमा ८ भारतीय पर्यटक बेहोस अवस्थामा फेला परेका छन्।
मंगलबार बिहान थाहा नगरपालिका–४, दामनस्थित एभरेस्ट पानोरमा रिसोर्टमा ८ भारतीय पर्यटक बेहोस अवस्थामा भेटिएका हुन्। बेहोस भेटिएका उनीहरूलाई उपचारका लागि हेलिकोप्टरमार्फत काठमाडौं ल्याइएको छ।
भारतीय पर्यटक ग्यास हिटर बालेर सुतेका कारण उनीहरू बेहोस भएको हुनसक्ने आशंका प्रहरीको छ। यद्यपि, यसको पुष्टि हुन बाँकी छ। बेहोस हुने पर्यटकबारे विस्तृत विवरण नखुलेको र यसबारे थप अनुसन्धान भइरहेको प्रहरीले जनाएको छ।
