काठमाडौं– नेपालमा पछिल्लो समय विभिन्न रियालिटी शोहरुले लोकप्रियता पाईरहेका छन्। हिमालय टेलिभिजनबाट प्रशारण भइरहेको ‘हिमालय रोडिज सिजन–३’ को कलिङ राउण्ड सकिएको छ। यो राउण्डबाट प्रेत्येक ग्याङ्ग लिडरले यात्राको लागि ४ जना प्रतियोगी पाएका छन्। अडिसनबाट छनोट भएका प्रतियोगीहरुले ग्याङ्ग लिडरहरुसँग ‘पिआई राउण्ड’ मा प्रत्यक्ष अन्तरवार्ता दिएका थिए।
पिआई राउण्डबाट ग्याङ्ग लिडरले आफूलाई आकर्षक लागेका केही प्रतियोगीहरुलाई आफ्नो टिममा लिएका थिए। पिआई राउण्डबाट आफूले छनोट गरेका प्रतियोगीहरुलाई एक आपसमा प्रतिस्प्रर्धा गराएर ग्याङ्ग लिडरले उत्कृष्ट ३ लाई यात्राको लागि छनोट गरे। यस्तै, होस्ट रेमनदाश श्रेष्ठसँग एक अधिकार थियो। उनले पनि पीआई राउण्डबाट केही प्रतियोगीहरु छनोट गरेका थिए। जसलाई उनले प्रत्येक ग्याङ्गमा एक–एक जना थप्न सक्ने अधिकार पाएका थिए। उनले पनि उत्कृष्ट ४ छनोट गरेर ४ वटा ग्याङ्गमा थपिदिएका छन्।
अब भने यात्राको लागि टिम रेड अर्थात् अनुपविक्रम शाहीको टिममा विक्की गुरुङ, शतिष राजभण्डारी, मनिषा विश्वकर्मा छनोट भए। अनुपको टिममा होस्ट रेमनदाशले श्रेया महर्जन थपिदिएका छन्। त्यस्तै टिम ग्रिन अर्थात् अशिष राना ‘लाहुरे’ को टिममा रामचन्द्र केसी, दिक्षा लामिछाने, सागर शाही छनोट भए भने रेमनले सुजन सुवेदीलाई टिम ग्रिनमा स्थान दिएका छन्। दीया मास्केको टिम एल्लोमा गजी महमद मसूद, प्रतिमा सेन, आशिष गुरुङ छनोट हुदाँ रेमनबाट सोनिका प्रजापति टिम एल्लोमा परिन् ।
समन श्रेष्ठको टिम अर्थात् टिम ब्लुमा जोशिका श्रेष्ठ, दिवश श्रेष्ठ, विद्या गुरुङ छनोट भए भने रेमनले अभिष पोखरेललाई ब्लु टिममा थपिदिएका छन् । हिमालयन रोडिजमा यात्राको लागि छनोट भएका प्रतियोगीलाई रोडिज हेल्मेट दिनको लागि ‘एम टिभी रोडिज–रियल हिरो’ बाट दुई प्रतियोगी नेपाल आएका थिए। ‘एम टीभी रोडिज रियल हिरो’ को फाइनलमा आफ्नो स्थान बनाएका विधान श्रेष्ठ र वार्गेस्थुले प्रतियोगीलाई हेल्मेट हस्तानतरण गरेका थिए। अगामी हप्ताबाट हिमालय रोडिजको साहासिक यात्रा सुरु हुनेछ।