एजेन्सी– बीएस ६ रोयल इन्फिल्ड हिमालयन भारतीय बजारमा सार्वजनिक भएको छ। कम्पनीले नयाँ भर्सनमा सार्वजनिक गरेको हिमालयन बीएस६ को बुकिङ भने पहिला नै खुल्ला गरिसकेको थियाे।
ग्रेनाइट ब्ल्याक, स्लीट ग्रे, स्नो ह्वाइट, ग्रेभल ग्रे, लेक ब्लु र रक रेड गरि ६ कलरमा सार्वजनिक गरेको यो मोटरसाइकलको कलर अनुसार फरक मूल्य तोकिएको छ। यसको शूरुवाती मूल्य १ लाख ८१ हजार ८ सय ११ भारतीय रुपैयाँ तोकिएको छ। त्यस्तै यो भर्सनको उच्चतम मूल्य १ लाख ९१ हजार ४ सय ०१ भारतीय रुपैयाँ तोकिएको छ।
कम्पनीले हालै ६ कलर मध्य तिन नयाँ कलर थप गरेको हो। स्वीच अनअफ गर्न मिल्ने एबीएस, हार्जाड लाइट जस्ता थुप्रै फिचर समेत यसमा थप गरेर सार्वजनिक भएको हो ।
यो मोटरसाइकलले केटीएम एड्भेन्चर ३९०, बीएमडब्ल्यु ३१० जीएस जस्ता मोटरसाइकलसँग प्रतिस्पर्धा गर्नेछ। नेपाली बजारमा समेत बिक्री भइरहेको यो मोटरसाइकल बीएस६ भर्सनमा भित्रन भने केहि समय लाग्नेछ।
