काठमाडौं– यामाहा मोटरसाइकलको नेपालकाे लागि आधिकारीक वितरक एमएडब्ल्यु इन्टरप्राइजेजले सलुटो मोटरसाइकलको खरिदमा हरेक ग्राहकलाई ३२ इन्चको एलइडि टेलिभिजन उपहार दिने अफर ल्याएको छ।
ग्राहकले नेपालभरि रहेको यामाहाको आधिकारीक शोरुमबाट यो योजनामा सहभागी हुन सक्ने कम्पनीले जनाएको छ। हरेक सलुटोको खरिदमा ग्राहकले भिडियोकनको ३२ इन्च टेलिभिजन उपहार स्वरुप प्राप्त गर्नेछन्।
यामाहाले सलुटो १२५ बाइकलाई हालै मात्र नेपाली बजारमा सार्वजनिक गरेको हो। कम्पनीले सलुटो १२५ यूबीएस र सलुटो आरएक्स ११० यूबीएस गरि दुई मोडलमा नेपाल भित्र्याएको छ।
सलुटो १२५ यूबीएसमा एयरकुल्ड, ४ स्टोक,एसओएचसी, २ भल्व वेस ब्ल्युकोर इन्जिन दिइएको छ। यो इन्जिनले ८ बिएच पावर तथा ८ एनएम टर्क जेनेरेट गर्छ।
सलुटो यामाहाले नेपाली बजारमा बिक्री गर्दै आएको बाइकहरु मध्ये सबैभन्दा सस्तो बाइक पनि हो। नेपाली बजारमा सलुटो १२५ डिस्क ब्रेक र ड्रम ब्रेक अप्सनमा उपलब्ध रहेको छ। डिस्क ब्रेक युक्त बाइकको मूल्य २ लाख ९ हजार ९०० रुपैयाँ रहेको छ।
