काठमाडौं – हामी भन्ने गर्छाै, दिनको संकेत विहानले देखाउँछ। त्यसैले बिहान राम्रो काम गर्यो भने त्यो दिन निकै उत्तम रहने शास्त्रमा उल्लेख छ। दिनको काम शुभ बनाउन विहान केही काम अनिवार्य गर्न जुरुरी रहेको शास्त्रमा उल्लेख छ।
आज हामी यहाँ विहान उठेर गर्ने कामहरुका बारेमा केही जानकारी दिदैछौँः जुन काम तपाईले विहान उठ्ने वित्तिकै गरेमा तपाईको दिन शुभ मात्र होइन्, आर्थिक अवस्थामा पनि सुधार हुँदै जानेछ।
– तुलसीलाई भगवान विष्णुको प्रतिक मानिन्छ। त्यसैले दिनहुँ बिहान नुहाई धुवाई गरेपछि तुलसीको बोटमा जल चढाउनाले देवी देवताको कृपा प्राप्त गर्न सकिन्छ। भन्ने विश्वास छ, जुन घरमा तुलसी हुन्छ त्यसको रेख देख पनि हुन्छ र त्यहाँ सुख समृद्धि प्राप्त हुन्छ।
– सूर्यलाई जल चढाउनु शास्त्रहरुमा भनिएको छ, जो मानिस दिनहुँ सूर्यलाई जल अर्पित गर्छ। त्यो घर परिवार वा समाजमा उसको मान सम्मान हुन्छ। राम्रो स्वास्थको लागि पनि यो कार्य गर्नु अनिवार्य मानिन्छ। अनुहारको चमकता बढ्छ। स्वास्थ्य सम्बन्धी पनि धेरै कुरा प्राप्त गर्न सकिन्छ।
– गाईलाई रोटी ख्वाउनुहोस्, सक्नु हुन्छ भने बिहान खाना बनाउने समयमा पहिलो रोटी गाईलाई ख्वाउनुहोस्। हर दिन गाईलाई रोटी ख्वाउन सकियो भने कयौ समस्याहरू हट्दै जाने विश्वास छ र घरमा अन्न र धनको कमी हुन पाउँदैन भनिन्छ।
– योग एवं ध्यान गर्नुहोस् लामो समय सम्म स्वस्थ रहन र शरीरलाई पूmर्तिलो बनाइ राख्नको लागि सर्वश्रेष्ठ उपाय भनेको योगा हो। योगाले शरीरलाई धेरै किसिमका विमारीहरुबाट बचाउँछ। मानसिक स्थितिमा सकारात्मक प्रभाव पार्छ। भने ध्यानले क्रोधलाई नियन्त्रण गर्छ। मानसिक तनाब बाट मुक्ती दिलाउँछ। शरीरलाई रोग सँग लड्ने क्षमताको वृद्धि गर्छ।
– घरको मन्दिरमा पूजा गर्नुहोस् हरेक दिन बिहान घरमा आफुले स्थापना गरेको मन्दिरमा दियो बाल्नु अगरबत्ति जलाउनु उत्तम कार्य मानिन्छ। दियोको उज्यालो र अगरबत्तिको धुवाँले घरको वातावरणका नकारात्मक उर्जा खतम हुन्छ भने, हरेक दिन विहान घरमा बत्ति बाल्नाले वास्तुका अनुसार पनि कयौं दोषहरु हट्छन्।
