एजेन्सी – जीवनको जुनसुकै मोडमा, आफूलाई बलियो राख्नका लागि सबैभन्दा महत्वपूर्ण कुरा भनेकै खुसी हुनु हो। तर हरेक सम्बन्धलाई निभाउँदा वा जिम्मेवारी उठाउँदा हामी थुप्रै पटक आफूलाई नै उपेक्षा गर्न थाल्छौं। जसका कारण जीवन निरश र दुःखी लाग्न सक्छ।
आफूलाई चिन्नुहोस्
हरेक व्यक्ति आफैंमा अद्वीतीय हुन्छ, अरु कसैसँग आफ्नो तुलना नगरिकनै आफ्नो विशेष गुणको पहिचान गर्ने प्रयास गर्नु राम्रो हुन्छ। आफ्नो व्यक्तित्वप्रति कौतुहल र रुची जगाउनुहोस्। आफूबारे जान्न र बुझ्न कोसिस गर्नुहोस्।
उपलब्धिको उत्सव
जब अन्य व्यक्तिले सफलता पाउँछन् तब हामी उनीहरुलाई प्रशंसा गर्न चुक्दैनौं, तर आफ्नो सफलतालाई भने नजरअन्दाज गरिदिन्छौं। आफ्नो हरेक सानो– ठूलो सफलतालाई पूरा मनले स्विकार गर्नुहोस् र लगातार त्यसको उत्सव मनाइरहनुहोस्। सफलता पाउन कति मेहनत गर्नुपर्यो भन्नेबारे नसोच्नुहोस्। यसो गर्दा तपाईंले आफूलाई खुसी राख्नुका साथै र थप चुनौतीका लागि स्वयंलाई प्रेरितसमेत गर्नुहुनेछ।
स्वास्थ्यलाई ध्यानमा राख्नुहोस्
एक अस्वस्थ शरिरमा खुसी हुनु निकै कठिन कुरा हो। यदि तपाईंले आफूलाई शरिरिक र मानसिक तरिकाले निरोगी राख्नुहुन्छ र सन्तुलित एवं स्वस्थ दिनचर्या अपनाउनुहुन्छ भने तपाईंको शरिरले पनि तपाईंलाई धन्यवाद भन्नेछ। शरिर यदि फिट छ भने तपाईं आफूप्रति सन्तुष्ट हुनसक्नु हुन्छ। तपाईं आराम पनि गर्नुहोस् र काम पनि।
आफ्ना शौखलाई जिउँदो राख्नुहोस्
धेरैजसो आवस्थामा हामी आफूलाई निकै व्यस्तताले घेर्ने गर्छौं र आफूलाई खुसी राख्ने शौखलाई ध्यान दिँदैनौं। आफ्नो रुचीको एउटा सूची बनाउनुहोस्। भ्रमण होस् वा नृत्य, गायन होस् वा घरको साजसज्जा, नृत्य होस् अथवा कुनै घर पालुवा जनावरसँग समय बिताउनु, तपाईंले आफ्नो रुचीका लागि समय निकाल्नैपर्छ।
आफुले–आफैंलाई चुनौती दिनुहोस
कहिलेकाँही आफूले बनाएको दिनचर्याबाट समय निकालेर केही नयाँ गर्दा जीवनमा नविनता र ताजापन ल्याउन सहयोगी हुन्छ। यस्तो गर्नुहोस् जुन तपाईंले पहिले कहिले गर्नुभएको थिएन अथवा दैनिकको कामलाई पनि केही नयाँ ढङ्गले गर्नुहोस्। नयाँ भाषा सिक्नुहोस्, नयाँ खेल खेल्नुहोस्, नयाँ मानिसहरुसँग भेट्नुहोस्, केही नयाँ प्रयोग गर्नुहोस्, नयाँ विषय पढ्नुहोस्।
आफ्नै साथी बन्नुहोस्
यदि तपाईं आफ्नै साथी बन्नुभयो भने आफूलाई खुसी पाउनुहुन्छ। जस्तै हामी आफ्ना साथीको गल्तीलाई माफ गर्छौं, उनीहरु प्रति सहृदय हुन्छौं, त्यसरी नै हामी आफ्नो लागि पनि सहृदय र उदार हुनसक्छौं। यसो गर्दा कठिन समयमा पनि एक्लो र अधुरो महसुस गर्ने छैनौं।
