काठमाडौं – ए.पी.एफ. क्लबका १३औं दक्षिण एशियाली खेलकुद प्रतियोगिता–२०७६ साग विजेता खेलाडीहरुलाई एन. आई .सी .एशिया बैंकले नौं लाख ९५ हजार नगद सहयोग गरेको छ।
बैंकले विभिन्न विधाका पदक विजेता खेलाडीहरुलाई आफ्नो संस्थागत सामाजिक उत्तरदायित्व अन्तर्गत सशस्त्र प्रहरीको १९औं स्थापना दिवसको उपलक्ष्यमा नेपाल ए.पी.एफ.क्लबका खेलाडीहरुलाई नगद पुरस्कार स्वरुप नौं लाख ९५ हजार बराबरको रकम बैंकले प्रदान गरेको हो।
सहयोग स्वरुपको चेक एन आई सी एशिया बैंकका सहायक प्रमुख कार्यकारी अधिकृत सन्तोष कुमार राठीले ए.पी.एफ.क्लबका अध्यक्ष सशस्त्र प्रहरी उपरीक्षक तुलसी राम दाहाललाई हस्तान्तरण गरेका छन्। कार्यक्रममा सशस्त्र प्रहरी बलका सशस्त्र प्रहरी महानिरीक्षक शैलैन्द्र खनालको प्रमुख अतिथ्यता रहेको थिए।
