काठमाडौं– कतार यएरवेज शहीद स्मारक ‘ए’ डिभिजन लिग फुटबलअन्तर्गत शनिबार भएकाे खेलमा शीर्षस्थानको त्रिभुवन आर्मी क्लबले न्युरोड टिम एनआरटी क्लबसँग बराबरीमा खेलेकाे छ। त्रिपुरेश्वरस्थित दशरथ रंगशालामा भएकाे खेलमा दुबै टाेलीले गाेलरहित बराबरी खेल्दै अंक बाँडेका हुन्।
दुबै टाेलीले केहि राम्राे अवसरकाे सदुपयाेग गर्न नसक्दा खेलमा एक गाेल पनि भएन। खेलको इन्जुरी समयमा जुनियर निकेनगुएले दोहोरो पहेलो कार्डसहित रातो कार्ड पाउँदा एनआरटी १० खेलाडीमा समेटिएको थियो।
बराबरीसँगै आर्मीले शीर्ष स्थानमा ३ अंकको अग्रता बनाउने मौका गुमाएको छ। आर्मीले ८ खेलमा १७ अंक जोडेको छ। एनआरटीले ८ खेलमा १२ अंक जोडेको छ।
