एजेन्सी– स्पेनिस ला लिगा फुटबलमा साविक विजेता बार्सिलोना भ्यालेन्सियासँग स्तब्ध भएको छ। शनिबार बेलुका भएको खेलमा बार्सिलोना भ्यालेन्सियासँग २–० गोलले पराजित भएको हो।
बलमा राम्रो पकड बनाएपनि गोल गर्न नसक्दा बार्सिलोनाले नमिठो हार बेहो¥यो। खेलको १२ औं मिनेटमा भ्यालेन्सियाले खेलमा अग्रता लिने अवसर गुमाएको थियो। ड्यानी गोमेजको पेनाल्टी प्रहारलाई बार्सिलोनाका गोलकिपर टेर स्टिगेनले विफल बनाएका थिए।
पहिलो हाफ गोलरहित बराबरीमा सकिएको खेलको दुबै गोल दोस्रो हाफमा भएको थियो। खेलको ४८ औं मिनेटमा जोर्डी अल्बोले आत्मघाती गोल गरेपछि भ्यालेन्सियाले घरेलु मैदानमा शुरुवाती अग्रता हासिल ग¥यो। खेलमा पछि परेसँगै दबाबमा परेको बार्सिलोनाले लगातार खेलमा फर्कन प्रयास गरेपनि असफल भयो।
खेलको ७७ औ मिनेटमा भ्यालेन्सियाले अग्रता दोब्बर बनायो। उसको लागि म्याक्सी गोमेजले गोल गरेका थिए। त्यसपछि खेलमा थप गोल नहुँदा भ्यालेन्सिया २–० गोलले विजयी भयो। बार्सिलोनाको २० खेलबाट ४३ अंक छ। भ्यालेन्सिया ३४ अंक जोड्दै तालिकाको पाँचौ स्थानमा उक्लिएको छ।
