काठमाडौं– अमेरिका पुगेर उतै लुकेकी भनिएकी कालीकोट तिलागुफा नगरपालिका उपमेयर दन्ता नेपाली (दर्शना) ले बिरामी भएको कारण नेपाल नफर्किएको बताएकी छिन्। लामो समयदेखि मेयरसँगसमेत सम्पर्क नगरेकी उनले फेसबुक स्टाटसमार्फत यस्तो जानकारी दिएकी हुन्।
निष्क्रिय रहेको फेसबुक अकाउन्टबाट सम्पर्कमा आएकी दर्शनाले आफू अमेरिकामा लुकेको वा हराएको भनी आएको समाचार झुठो रहेको बताएकी हुन्। ‘म हराएको पनि छैन। म कतै लुकेको पनि छैन। म मेयर रत्नबहादुर शाहीलाई जानकारी नदिएर पनि आएको होइन, उहाँले नै भ्रमण स्वीकृत गरेर आएको हो,’ उनले लेखेकी छिन्।
उनले आफू गम्भिर बिरामी भएको र यसबारे जानकारी गराउन अमेरिकाबाट बार बार फोन गर्दा कार्यालय र मेयरको फोन नउठेको जानकारी दिएकी छिन्। उनी इन्टरनेसनल सिटी मेनेजेर एसोसिएसन (आईसीएमए) ले आयोजना गरेको गोष्ठीमा भाग लिन कात्तिकमा अमेरिका पुगेकी थिइन्। त्यसको एक महिनासम्म सम्पर्कमा रहेकी उनी त्यसपछि बेखबर बनेको तिलागुफाका मेयर शाहीले बताएका थिए।
यस्तो छ उनको फेसबुक स्टाटसः
