एजेन्सी– टी–२० क्रिकेट सिरीजको दोस्रो खेलमा न्युजिल्याण्डले भारतलाई १ सय ३३ रनको विजयी लक्ष्य दिएको छ। टस जितेर पहिले ब्याटिङ गरेको न्युजिल्याण्डले निर्धारित २० ओभरमा ५ विकेट गुमाउँदै १ सय ३२ रन बनाएको हो।
न्युजिल्याण्डको लागि मार्टिन गुप्तीलले २० बलमा ३३ रन, टिम सेइफर्टले २६ बलमा ३३ रन बनाए। भारतको बलिङमा रविन्द्र जडेजाले ४ ओभरमा १८ रन दिँदै २ विकेट लिए भने शिवम ड्युब, जसप्रित बुम्राह र शार्दुल ठाकुरले समान एक एक विकेट लिए।
टी–२० क्रिकेट सिरीजकाे पहिलाे खेलमा भारत विजयी भएकाे थियाे। भारतले न्युजिल्याण्डलाई ६ विकेटले पराजित गरेकाे थियाे। भारत अहिले जवाफि ब्याटिङ गरिरहेकाे छ।
