काठमाडौं– विराज भट्टले निर्माण गरेको ‘साङ्लो’ फिल्मको दाेस्राे गित ‘झ्याम्मै आँखा झ्याम्मै ’ सार्वजनिक भएको छ। निसान भट्टराईकाे शब्द रहेकाे गीतमा निसान सँगै अन्जु पन्तले स्वर दिएका छन्। त्यस्तै गीतको कोरियोग्राफी भने राजिप लामिछानेले गरेका छन्।
२०१७ की मिस नेपाल निकिता चण्डक र विराज भट्टले यो गितमा सङ्गै नृत्य गरेका छन्। निकिता यो गितमा ‘हट एण्ड बोल्ड’ अवतारमा देखिएकी छिन्। रिलिज भएकै दिन ६५ हजार भिउज कमाएको यो गितकै कारण पनि फिल्म हिट हुने आशा रहेको छ। पहिलो गीत ‘चरीले काफल टिप्यो’ औषत हिट भएकाे थियाे।
निकिता चण्डकको पहिलो फिल्म ‘साङ्लो’ मृगौला तस्करीको कथामा निर्माण गरिएको छ। फिल्ममा बिराज र निकिताको अलवा जयनन्द लामा, कामेश्वर चौरसिया, प्रकाश शाह, आरपी पन्त, लय संग्रौला, अमित गिरी, शिशिर भण्डारी लगायतका कलाकारको समेत अभिनय देख्न सकिन्छ। शिवम अधिकारीको लेखनमा रहेको फिल्ममा सुरेश अधिकारी र राजनराज सिवाकोटीको उत्कृष्ट संगीत रहेको छ। यही माघ २४ गते सो फिल्म रिलिज हुदैँछ।
हेर्नुहाेस भिडियाे
https://www.youtube.com/watch?v=4HwI4j_5j0o
