मकवानपुर– मकवानपुर जिल्लामा रहेका एनसेलकाे दुईवटा टावरमा आगजनी भएकाे छ। भीमफेदी गाउँपालिका देउराली र हेटौंडा उपमहानगरपालिका– १५ मा रहेको एनसेल टावरमाथि आइतबार राति अज्ञात समूहले आगजनी गरेको बताइएकाे छ।
घटनाबारे अनुसन्धान गर्न र दाेषीकाे खाेजी गर्न देउरालीममा इलाका प्रहरी कार्यालय भीमफेदी र हेटौंडा उपमहानगरपालिका–१५ मा इलाका प्रहरी कार्यालय पशुपतिनगरको टोली खटिएकाे छ। आगजनीबाट टावरमा सामान्य क्षति भएको बताइएकाे छ।
पछिल्ला दिनहरूमा एनसेल टावरमा आगजनी गर्ने कार्यमा विप्लव समूहकाे संलग्नता रहेकाे पाइएकाे छ। उक्त ठाँउहरूमा पनि त्यही समूहकाे संलग्नता भएको अनुमान गरिएकाे छ। प्रहरीले घटनाबारे अनुसन्धान थालेकाे जानकारी दिएकाे छ।
