काठमाडौं– हेलिकप्टर दुर्घटनामा परि विश्व बास्केटबल लेजेण्ड कोब ब्रायन्ट र उनकी छोरी जियाना लगायत ९ जनाको मृत्यु भएको छ। ब्रायन्ट सवार निजी हेलिकप्टर क्यालिफोर्निया राज्यको कालाबासासमाथि दुर्घटनामा परेको हो।
अन्तर्राष्ट्रिय सञ्चारमाध्यमको अनुसार ब्रायन्ट सवार हेलिकप्टर आगलागी भएपछि दुर्घटनाग्रस्त भएको थियाे। ब्रायन्टसँगै उनकी १३ वर्षीया छोरी जियनाको मृत्यु भएको छ। बाँकी मृतकको नाम भने सार्वजनिक गरिएको छैन। ४१ वर्षीय ब्रायन्टले पाँच पटक एनबीएको उपाधि जितेका थिए।
उनलाई यस खेलकै लेजेण्डमध्ये एक मानिन्छ। व्यावसायिक बास्केटबल करिअरमा २० वर्ष एलए लेकर्समै बिताएका ब्रायन्टले सन् २०१६ मा सन्यास लिएका थिए। उनी ३४ वर्षको उमेरमा ३० हजार करिअर पोइन्ट पुग्ने सबैभन्दा कान्छा खेलाडी थिए। उनले सन् २००६ मा टोरोन्टन्राे याप्टर्स्विरुद्ध एक्लै ८१ अंक स्कोर गरेका थिए। जुन एकै खेलमा दोस्रो सर्वाधिक स्कोर हो।
