एजेन्सी– नेपाली लेग स्पिनर सन्दीप लामिछाने अष्ट्रेलियामा जारी बिग बास लिग (बीबीएल) को बाँकी खेल छोडेर नेपाल फर्किएका छन्। मेलबर्न स्टार्समा आबद्ध भएका सनदीप नेपाल, ओमान र अमेरिकाबिचको त्रिकोणात्मक सिरीजका लागि नेपाल आएका हुन्।
बीबीएलमा सन्दीपले १३ खेलमा १५ विकेट लिए। टोलिको लागि राम्रो प्रदर्शन गरेका सन्दीप नेपाल फर्कन लाग्दा मेलबर्नका प्रशिक्षक तथा खेलाडीले दुःख व्यक्त गरेका छन्। टिमको महत्वपूर्ण सदस्य मानिएका सन्दीपले मेलबर्नले खेल्ने क्वालिफायर खेल तथा त्यसबाट अघि बढेको खण्डमा फाइनल खेल गुमाएका छन्।
मेलबर्न स्टार्सले बाँकि खेलमा सन्दीपको अभाव खड्किने जनाउँदै अहिलेसम्मको साथको लागि धन्यवाद दिएको छ। मेलबर्नका प्रशिक्षक तथा खेलाडीले उनको प्रशंसा गर्दै सिरीजको लागि शुभकामनासमेत दिएका छन्।
