एजेन्सी– भारत सरकारले हरेक बर्ष प्रदान गर्ने प्रतिष्ठित ‘पद्यमश्री अवार्ड’ यो बर्ष पनि गणतन्त्र दिवसको एक दिन अघि घोषणा भएको छ। बलिउडका ४ जना कलाकर्मीले यो अवार्ड पाएका छन्। जसमा नायिका कंगना रनावत, निर्देशक करण जोहर, गायक अदनान सामी र निर्मात्री एकता कपुर छन्।
अवार्ड प्राप्त गरेपछि नायिका कंगना रनावतले एक भिडियो सन्देश सार्वजनिक गरेकी छिन्। भिडियोमा उनले आफूले प्राप्त गरेको अवार्ड भारतका हरेक आमा र छोरीहरुमा समर्पित गर्न चाहेको उल्लेख गरेकी छिन्।
नायिका कंगना रनावतले ३ पटक राष्ट्रिय चलचित्र पुरस्कार समेत जितिसकेकी छिन्। बलिउडमा कंगनाको पक्षमा बोल्ने बलिउडकर्मी निकै कम छन्। तर उनको बोल्ड शैलीले उनलाई सधै नै अगाडि बढ्न मद्दत गरेको छ।
