एजेन्सी– रियलमीले अब आफ्नो सबै स्मार्टफोनमा भीओवाईफाई अर्थात वाईफाई कलिङ सर्पोट प्रदान गर्ने भएको छ। कम्पनीका सिईओ माधव सेठका अनुसार कम्पनीले सबैभन्दा पहिले आफ्नो फ्ल्यागसिप स्मार्टफोन रियलमी एक्स २ प्रोमा वाईफाई कलिङ सर्पोट सेवा प्रदान गर्ने छ।
कम्पनीले एक्स २ प्रो मा यसै महिना वाईफाई कलिङ सर्पोटको सुबिधा प्रदान गरिने भएको हो। अन्य मोबाइलहरुमा भने फरवरी र मार्च महिनामा वाईफाई कलिङको सुबिधा प्रदान गर्ने कम्पनीले जनाएको छ। जस अन्तरगत कम्पनीले रियलमी ब्रान्डको रियलमी एक्स २, एक्सटी, एक्स, रियलमी ५ प्रो, रियलमी ५, ५ आई र ५ एस स्मार्टफोनमा वाईफाई कलिङ सर्पोट सुविधा प्रदान गर्ने छ।
त्यस्तै बाँकी स्मार्टफोनहरु रियलमी २ प्रो, यु१, रियलमी १, रियलमी २, रियलमी ३, रियलमी ३ आई, रियलमी सि १ र सि २ मा मार्च महिनामा वाईफाई कलिङ सर्पोट सर्भिस प्रदान गर्ने कम्पनीले जनाएको हो।
