काठमाडौं– फिल्म ‘सेन्टी भाइरस’ को ५० प्रतिशत नाफा चितवनमा निर्माणाधीन गौतम बुद्ध अन्तर्राष्ट्रिय क्रिकेट रंगशालालाई दिने घोषणा गरिएको छ।
धुर्मुस सुन्तली फाउण्डेशनले बनाइरहेको उक्त रंगशालाको लागि आफैंले बनाउन लागेको फिल्म ‘सेन्टी भाइरस’ को ५० प्रतिशत नाफा दिइने धुर्मुस सुन्तलीले जानकारी दिएका छन्। यसअघि फिल्मको २० प्रतिशत दिने घोषणा गरेका उनीहरुले रंगशाला निर्माणलाई पहिलो प्राथमिकता दिइरहेका छन्।
नेपाली क्रिकेटले हासिल गरेको उपलब्धि र खड्किएको स्तरिय रंगशालालाई मध्यनगर गर्दै हास्यकलाकार सिताराम कट्टेल र कुञ्जना घिमिरेले जनताको सहयोगबाट रंगशाला निर्माण गर्ने घोषणा गरेका थिए।
