एजेन्सी – बलिउड नायक आमिर खानको फिल्म ‘लाल सिंह चड्डा’ र अक्षय कुमारको फिल्म ‘बच्चन पाण्डे’ सन् २०२० को क्रिसमसमा रिलिज हुने तयारीमा थिए। तर, अब अक्षय कुमारले मिति सारेर चलचित्र ‘बच्चन पाण्डे’ सन् २०२१ जनवरी २२ मा रिलिज गर्ने भएको छ।
अक्षय कुमारले आफ्नो चलचित्रको रिलिज मिति सारेसँगै आमिर खानले अक्षयलाई ट्विटरमार्फत धन्यवाद दिएका छन्। उनले लेखेका छन्, ‘कुनै समय एक बचनमा नै आफ्नो कुरा स्विकार गर्नेहरु हुन्छन्। धन्यवाद मेरो साथी अक्षय कुमार र सजिद नाडियाडवाला। तपाइहरुले मेरो चलचित्रको लागि आफ्नो चलचित्रको रिलिज मिति सार्नुभयो। म कामना गर्छु तपाईहरुको चलचित्र राम्रो बनोस्।’
आमिरको उक्त ट्विटमा अक्षयले रिट्विट गरेका छन्। ‘बच्चन पाण्डे’को लुक्स सहितको तस्विर पोष्ट गर्दै उनले लेखेका छन्, ‘सधै हाजिर छु आमिर। यहाँ हामी सबै साथी हौँ।’ यस कुराबाट अक्षय र आमिरको मित्रता प्रष्ट हुन्छ।’
