काठमाडौं – दिपेन्द्र लामाको लेखन तथा निर्देशनमा बन्न लागेकाे चलचित्र ‘२ नम्बरी’ मा दयाहाङ, पल र वर्षा एकैसाद देखिने भएका छन्। यसअघि दयाहाङ राई र पल शाहलाई कुनै पनी फिल्ममा एकसाथ देखिएकाे थिएन। तर यस फिल्ममा भने यी दुइ पहिलोपटक एकैसाथ काम गर्ने भएका छन्।
आज राजधानीमा आयोजना गरिएको पत्रकार सम्मेलनमा चलचित्रको औपचारिक घोषणा गरिएको हो। फिल्मले २ साथीको कथा पस्किने छ। चलचित्रको शीर्ष भूमिकामा नायिका वर्षा राउत र बुद्धि तामाङको पनि अभिनय रहने भएको छ। निर्देशक लामाको अनुसार एक गाउँका २ जना साथी, उनीहरुको मित्रता र दुश्मनीको कथामा र दुई नम्बरी कामलाई पनि उठाउदै यो चलचित्र बन्ने भएको छ।
दयाहाङ राईले पनि चलचित्रका कथा मन परेर काम गर्न तयार भएको बताए। यता पल शाहले पनि कथाले आफूलाई तानेको बताए। रेड बर्ड प्रोडक्शन र आरआर फिल्म प्रोडक्शनको ब्यानरमा निर्माण हुन लागेको यो चलचित्रमा कार्यकारी निर्माताको रुपमा रत्न श्रेष्ठ पनी छन्।
किरण नेपालीको प्रस्तुतीमा तयार हुन लागेको चलचित्रमा रोहित कट्टेल र सरोज नेपालीको लगानी रहेकाे छ। सुशन प्रजापतिको छायांकन, रामजी लामिछानेको कोरियोग्राफी रहने यो चलचित्रको छायांकन माघको २५ गतेबाट थालिने बताएको छ।
