एजेन्सी– फिल्म ‘छपाक’को रिलिजपछि नायिका दीपिका पादुकोणले आफ्नो नयाँ चलचित्र ‘दि इन्टर्न’को घोषणा गरेकी छिन्। हलिउड चलचित्रको आधिकारिक रिमेक ‘दि इन्टर्न’ फिल्म २०२१ मा रिलिज हुनेछ। सन् २०१५ मा रिलिज भएको ‘दि इन्टर्न’ एक कमेडी चलचित्र हो।
सो चलचित्रमा कलाकार ऋषि कपुर र नायिका दीपिका पादुकोणको मुख्य भूमिका रहनेछ। यो चलचित्र एक ७० वर्षको बृद्ध र एक यूवतीको कथामा आधारित फिल्म हो। यसअघि यो चलचित्रको रिमेक कन्नाड भाषामा बनिसकेको छ।
नायिका पादुकोणले सुनिर खेत्रपालको साथमा यो चलचित्र निर्माण गर्ने्छिन्। दीपिका अभिनित नयाँ चलचित्र ‘८३’ रिलिजको तयारीमा छ। चलचित्र ‘छपाक’मा लगानी गरेर निर्माता बनेकी दीपिकाको ‘दि इन्टर्न’ निर्माणको हकमा दोश्रो चलचित्र हो।
