काठमाडौँ २५ माघ– चलचित्र ‘सम्हालिन्छ कहिले मन’ को छायाङ्कन लण्डनमा हुने भएको छ। चलचित्र छायाङ्कन कै लागि नायक आकाश श्रेष्ठ, सोनम तोप्देन र नायिका पुजा शर्मा लण्डन पुगेका छन्। निर्देशक सुदर्शन थापाले निर्देशन गर्ने चलचित्रको छायाङ्कन करिब २ महिना लण्डनमा हुनेछ।
चलचित्र छायाङ्कनका लागि जानु अगि पुजाले मिडियासँग कुरा गर्दै भनिन् ‘मलाई नेपालमै छायाङ्कन भएको मन पर्छ। कहिलेकही बाहीरी लोकेशनमा पनि काम गर्नुपर्छ।, संझिनुपर्यो भने म नेपालकै लोकेशन सम्झन्छु।’ उनले पुजा चलचित्रको ९९ प्रतिशत छायाङ्कन लण्डनमै हुने बताइन्।
त्यस्तै उनले एक वर्षपछि पुनः नयाँ स्वादको चलचित्र ल्याउने पनि बताइन्। त्यस्तै आकाशले भने, ‘ म नयाँ स्थानमा चलचित्रको छायाङ्कन हुँदा उत्साहित छु, आशा छ, दर्शकका लागि हामीले विशेष चलचित्र बनाउँनेछौं।’ २ महिना लण्डनमा रहँदा नेपाल र आफ्ना साथीभाइलाई मिस गर्ने बताए।
आकाशसँग काम गर्दा आफुलाई सहज हुने र आकाश र आफ्नो जोडि दर्शकले पनि मनपराएको बताइन्। आकाशले भने,‘पुजासँग मैले धेरै संगत गरेको छु। यसैले पनि काम गर्दा सहज लाग्छ।’
प्रेम कथामा आधारीत यो चलचित्र आगामी भदौमा रिलिज गर्ने योजना निर्माण पक्षको रहेको छ। भने चलचित्रमा आकाश, पुजा, सोनमका साथै सरोज खनाल, गोरी मल्ल, धिरेन शाक्य लगायतका कलाकारको पनि अभिनय रहने छ।
