काठमाडौं– अफगानिस्तानका विकेटकिपर तथा ब्याट्सम्यान मोहमद शहजादले चितवन टाइगर्सबाट एभरेष्ट प्रिमियर लिग (ईपीएल) खेल्ने भएका छन्। चितवनले शाहजादलाई ईपीएल खेल्नको लागि टिममा अनुबन्ध गरिएको पुष्टि गरेको छ।
अफगानिस्तानको राष्ट्रिय टिमबाट खेलिसकेका शाहजादलाई भित्र्याएसँगै चितवन बलियो देखिएको छ। विष्फोटक ब्याटिङ गर्न सक्ने क्षमता भएका शाहजादले अफगानिस्तानबाट दुई टेष्ट, ६५ टी–२० र ८४ एकदिवसीय क्रिकेट खेलिसकेका छन्।
ईपीएलमा एकपछि अर्को विदेशी खेलाडी अनुबन्ध हुनुलाई महत्वपूर्ण उपलब्धिको रुपमा हेरिएको छ। यसअघि नै वेष्ष्ट इन्डिजका ड्वायन स्मिथले भैरहवा र श्रीलंकाका उपुल थरंगाले ललितपुरबाट ईपीएल खेल्ने पक्का भइसकेको छ।
