एजेन्सी– बेलायत प्रवेश गर्न चाहाने दक्ष व्यक्तिलाई मध्यनजर गर्दै बेलायतले नयाँ अध्यागमन नीति ल्याउने तयारी गरेको छ। क्षमतामा आधारित नीतिले दक्ष जनशक्तिलाई स्वागत तथा अदक्ष विदेशी जनशक्तिलाई विदाइ गर्ने बताइएको छ।
यूरोपेली संघ (ईयू)बाट बाहिरिन लागेको बेलायतले यसअघि अघि २ वर्षसम्म पुरानै नीति कार्यान्वयन हुने जनाएको थियो। पनि गृहमन्त्री प्रीति पटेलका अनुसार सै वर्षको अन्त्यदेखि नै नयाँ व्यवस्थामा जानेछ। विश्वका हरेक देशबाट सीपवान् व्यक्तिलाई आकर्षित गर्ने उद्देश्यसहितको नयाँ नीति ल्याउने तयारी भईरहेको गुहमन्त्री पटेलले जनाएकी छिन्।
ब्रेक्जिटपछिको बेलायतले ल्याउन लागेको नयाँ नीतिमा विश्वका सबै देशको नागरिकलाई समान र निष्पक्ष रुपमा समेट्ने प्रधानमन्त्री बोरिस जोन्सनले जानकारी दिएका छन्। राष्ट्रको लागि विशेष महत्व दिने उक्त नीतिले व्यक्तिको राष्ट्रियता भन्दा उसको सीप, क्षमता र दक्षतालाई बढी प्राथमिकता दिइने उनको भनाई छ।
नयाँ नीतिमा बेलायत प्रवेश गर्न चाहाने व्यक्तिको शैक्षिक योग्यता, दक्षता, अनुभव, रोजगारदाता कम्पनी, तलब लगायतका आधारमा अंक प्राप्त गर्निे र सोहि अंकका आधारमा भिसाको निर्णय लिइने उल्लेख गरिने छ। नयाँ व्यवस्थाले यूरोपेली मुलुकका नागरिकहरूले पनि अंग्रेजी भाषा, सीप, रोजगारदाता कम्पनीको पत्र, तलबको न्यूनतम आधार लगायतका विभिन्न मापदण्ड पूरा गरेर मात्र बेलायत प्रवेश गर्न पाउनेछन्।
हालको व्यवस्थामा भने यूरोपेली नागरिकलाई बेलायतमा आउन र काम गर्न प्रवेशाज्ञा लिनुपर्ने बाध्यता छैन। बेलायतले ल्याउने नयाँ अध्यागमन नीतिले नेपालजस्तो गैरयुरोपेली मुलुकका नागरिकलाई भने फाइदा पु¥याउने विश्लेषकहरूले अनुमान गरेका छन्। राष्ट्रियतालाई आधार बनाई भिसामा प्राथमिकता दिने प्रथाको अन्त्य भएसँगै नेपालबाट बेलायत जान इच्छुक दक्ष तथा क्षमतावान् व्यक्तिले सहजरुपमा भिसा पाउनेछन्।
