एजेन्सी– टी–२० क्रिकेट सिरीजको तेस्रो खेलमा भारतले न्युजिल्याण्डलाई पराजित गरेको छ। भारतले दिएको १ सय ८० रनको लक्ष्य पछ्याएकाे न्युजिल्याण्डले निर्धारित २० ओभरमा ६ विकेट गुमाउँदै १ सय ७९ रन बनायाे। बराबरी भएसँगै खेल सुपर ओभरमा धकेलिएकाे थियाे।
न्युजिल्याण्डको लागि कप्तान केन विलियमसनले विष्फोटक पारी खेले। उनले ४८ बलको सामना गर्दै ९५ रन बनाए। त्यस्तै अर्का ब्याट्सम्यान मार्टिन गुप्तिलले २१ बलमा ३१ रन बनाएका थिए।
भारतको बलिङतर्फ शर्दुल ठाकुरले २ विकेट तथा युज्भेन्द्र चाहल र रविन्द्र जडेजाले समान एक एक विकेट लिए। त्यसअघि टस हारेर पहिले ब्याटिङ गरेको भारतले निर्धारित २ण् ओभरमा ५ विकेट गुमाउँदै १ सय ७९ रन बनाएको थियो।
भारतको लागि रोहित शर्माले ६५ रनको अर्धशतकीय पारी खेले। उनले ४० बलमा ६ चौका र ३ छक्का हानेका थिए। कप्तान विराट कोहलीले २७ बलमा ३८ रन बनाउँदा केएल राहुलले २७ रनको योगदान दिए। न्युजिल्याण्डको बलिङमा हमिश बेन्नेतले ३ विकेट लिँदा मित्चेल सन्त्नर र कोलिन डि ग्रान्डोमीले समान एक एक विकेट लिए।
सुपर ओभरमा न्युजिल्याण्डले भारतलाइ १८ रनकाे लक्ष्य दिएकाे थियाे। उक्त लक्ष्य पछ्याएकाे भारतलाइ अन्तिम २ बलमा १० रन चाहिएकाे थियाे। राेहित शर्माले सुपर ओभरकाे अन्तिम २ बलमा लगातार छक्का हान्दै भारतकाे जित पक्का गरे। यससँगै ५ खेलको टी–२० सिरीज भारतले जितेकाे छ। सिरीजको पहिलो र दोस्रो खेल पनि भारतले जितेको थियो।
