काठमाडौँ २५ माघ– चर्चित गायक प्रमोद खरेलको नयाँ गीत सार्वजनिक भएको छ। खरेलको अफिसियल युट्युब च्यानलबाट ‘यो कुरा गोप्य’ बोलको गीत भिडियोसहित सार्वजनिक भएको हो। प्रमोद अहिले विभिन्न प्रदेशमा ‘सप्तरंग’ कार्यक्रममा व्यस्त छन्।
सार्वजनिक गीतमा एकनारायण भण्डारीको शब्द र आशिष अविरलको संगीत रहेको छ। गीतको एरेन्ज अविरलकै रहेको छ। गीत डान्सिङ बिटमा तयार भएको छ।
शान थापाको निर्देशनमा तयार भएको यस गीतको भिडियोमा नाजिर हुसेन र एलिसा राईको उत्कृष्ट अभिनय रहेको छ। मायाँ प्रेमको प्रसंगमा तयार भएको यस भिडियोलाई कमल प्रसाई ड्रोन र सुप्रिम पराजुलीको सम्पादन र आर के मानन्धरको छायाङ्कन रहेको छ। भने राजिव समरले नृत्य निर्देशन गरेका छन्।
https://youtu.be/xy1gicNITfs
