कठमाडौँ २५ माघ– बलिउडमा कलाकारहरुले प्रेम आफ्नो सम्बन्धलाई लिएर निकै चर्चामा रहेका छन्। प्रेम सम्बन्धमा रहनु, केही समय डेटमा रमाउनु, फेरि सम्बन्धबाट अलग हुनु बलिउड कलाकारका लागि कुनै नौलो कुरा नै होइन।
त्यस्तै नायिका आलिया भट्टसँग केही समय प्रेममा रमाएका नायक सिद्धार्थ मल्होत्रा अहिले एक नव–नायिकाको प्रेममा रहेको खबर सार्वजनिक भएको छ।
चलचित्र ‘स्टूडेन्ट अफ दि इयर २’ बाट बलिउडमा पाइला राख्न लागेकी नायिका तारा सुतारियाको प्रेममा सिद्धार्थ रहेको चर्चा भारतीय मिडियामा छाएकोछ। ‘लाइक ह्विस्की एन्ड सोडा नामक’ चलचित्रका लागि यी दुइले भेटघाट गरेको खबर सार्वजनिक भएको छ।
यसपछि, यी दुइको प्रेम सुरु भएको भारतीय मिडियाले उल्लेख गरेका छन्। करण जोहर बलिउडमा जोडी मिलाउन पनि माहिर मानिन्छन्। उनकै माध्यमबाट सिद्धार्थ र ताराको प्रेम फक्रिन थालेको चर्चा चलेको हो। भारतीय मिडिया अनुसार यी दुइको मित्रता घनिष्ठ भएको छ।
उनीहर अहिले आफ्नै करिअर बनाउनका लागि पनि व्यस्त छन्। ताराले आफ्नो करिअरको सुरुवात गर्दैछिन्। उनी, बरुण धवन र विक्की कौसल जस्तो सफलता पाउन चाहन्छिन्।
