एजेन्सी– भारतका कलाकार रजनीकान्तलाई चाँडोभन्दा चाँडो पक्राउ गर्न केही अभियानकर्ताहरुले माग गरेका छन्।
रजनीकान्तले हालै चर्चित सर्भाइभल शो ‘म्यान भर्सेस वाइल्ड’को सुटिङकको चर्चामा थिए। हलिउडका कार्यक्रम प्रस्तोता बेयर ग्रिल्सको शोमा भारतीय प्रधानमन्त्री नरेन्द्र मोदी पनि देखिएका थिए भने अब रजनीकान्त पनि यो कार्यक्रममा देखिने भएका छन्।
रजनीकान्त स्टार एपिसोडको सुटिङ्ग कर्नाटकको बान्दीपुर नेशनल पार्कमा भयो। यद्यपि, यो कुरा केही अभियानकर्तालाई मन परेन। यी व्यक्तिले रजनीकान्तको शोको सुटिङमाथि आपत्ति जनाउदै रजनीकान्तलाई पक्राउ गर्न माग राखेका छन्।
किन यस्तो ?
बान्दीपुर नेशनल पार्कमा एउटा टाइगर रिजर्व छ। यसै कारण यी अभियानकर्ताहलाई कार्यक्रमको सुटिङसँग समस्या भएको हो। बान्दीपुर नेशनल पार्कमा बस्ने जनावरलाई खतरा हुनसक्छ भन्दै आफूहरुलाई डर भएको उनीहरुले बताए।
त्यस्तै सुख्खा मौसमका कारण यो नेशनल पार्कमा आगलागी पनि हुनसक्ने जसमाथि नियन्त्रण पाउन मुश्किल हुने भन्दै उनीहरुले आपत्ति जताएका छन्। एक अभियानकर्ताका अनुसार यो एपिसोड आजकालको सुख्खा मौसममा भन्दा मनसुनको समयमा पनि सुट हुन सक्थ्यो।
