काठमाडौं– चलचित्र ‘परदेशी २’ मा नायिका वर्षा शिवाकोटी अनुबन्ध हुने भएकी छन्। नारायण रायमाझीले निर्देशन गर्न लागेको फिल्ममा वर्षाको नाम फाइनल भए पनि यसको औपचारिक घोषणा भने केही समयपछि हुने बताइएकाे छ।
सो चलचित्रमा नायकको रुपमा गायक प्रकाश सपुत अनुबन्ध भइसकेका छन्। प्रकाश पछिल्लो समय लोकगीत गायनमा चर्चामा पनि आएका छन्। प्रकाशले पहिलोपटक फिचर फिल्ममा अभिनय गर्न लागेका हुन्।
‘परदेशी’ मा प्रशान्त तामाङ र नायिका रजनी केसीले मुख्य भूमिका निभाएका थिए भने ‘परदेशी २’ मा प्रकाश सपुत अनुबन्ध भएलगतै चलचित्रको प्रचार नै ह्वात्तै बढेको छ। झन वर्षा शिवाकोटी पनि थपिएपछि निर्माण समूहलाई प्रचार प्रसार गर्न धेरै सहज हुने भएको छ।
