एजेन्सी– नेपाली घरेलु क्रिकेट लिग इभरेष्ट प्रिमियर लिग(इपीएल) खेल्नका लागि ‘युनिभर्सल बोस’ क्रिस गेल नेपाल आउने पक्का भएसँगै क्रिकेट जगत्मा विभिन्न खाले चर्चा शुरु भएको छ। ‘हार्ड हिटर’ का रुपमा चिनिने विष्फोटक ब्याट्सम्यान गेललाई टी–२० क्रिकेटको किङ्ग नै मानिन्छ।
उनले इपीएलका खेल्ने निश्चित भएसँग यतिबेला सामाजिक सञ्जालमा उनले प्रहार गर्ने सटहरुको चर्चासँगै ट्रोलहरु बनिरहेका छन्। चौका र छक्का प्रहार गर्न माहिर मानिने गेलले नेपालमा कस्तो प्रदर्शन गर्लान् भन्ने विषयमा विश्व क्रिकेट नै प्रतीक्षारत बनेको छ। यसै सन्दर्भमा हामिले अन्तर्राष्ट्रिय क्रिकेटमा सबैभन्दा लामो छक्का हान्ने १० क्रिकेटबारे छाेटाे जानकारि तयार पारेका छाैं।
१. अल्बर्ट ट्रोट
अल्बर्ट ट्रोट थोरै क्रिकेटरमध्येका एक हुन् जसले इङ्ल्याण्ड र अष्ट्रेलिया दुबै देशबाट क्रिकेट खेलेका छन्। सन् १८९९ मा ट्रोटले एक भयानक सट प्रहार गरेका थिए जसमा बलले क्रिकेटको मेक्का भवन नाघेको थियो। उक्त सट क्रिकेटको सबैभन्दा लामो दुरीको मानिन्छ। एक शताब्दी बितिसक्दा पनि ट्रोटको सट लामो सटमा पर्दछ।
२. साहिद अफ्रिदी
पाकिस्तानका हार्ड हिटर साहिद अफ्रिदी पनि ठूलो सट प्रहार गर्न सीपालु मानिन्छन्। उनले पाकिस्तानको प्रोतियस भ्रमणका क्रममा साउथ अफ्रिकाविरुद्ध प्रहार गरेको छक्का क्रिकेटको सबैभन्दा लामो छक्काको सुचिमा अटाएको छ। उनले वा डे करियरमा ३ सय ५१ छक्का पुरा गरेका थिए।
३. कोरी अन्डरसन
ज्युजिल्याण्डका हार्ट हिटर कोरी अन्डरसन विष्फोटक ब्याट्सम्यान मध्येका एक हुन्। लामो तथा ठूला सट खेल्न रुचाउने उनले भारतका मोहमद शामिको बलमा लामो सट प्रहार गर्दै बललाई १ सय २२ मिटरको दुरीमा पुर्याएका थिए। अन्डरसन वान डे क्रिकेटमा छिटो शतक प्रहार गर्ने दोस्रो खेलाडी हुन्। उनले ३६ बलमा शतक बनाएका थिए।
४. क्रिस गेल
वेस्ट इन्डिजका जमैकन क्रिकेटर क्रिस गेल बिग हिटरमध्येका एक हुन्। उनले आइसीसी विश्वकप २०१० मा भारतविरुद्ध छक्का प्रहार गर्दै बललाई १ सय २० मिटरको दुरी कटाएका थिए।
५. युवराज सिंह
भारतका लेजेण्ड क्रिकेटर युवराज सिंह लामो छक्का प्रहार गर्ने क्षमता भएका विष्फोटक ब्याट्सम्यान थिए। उनले आइसीसी विश्वकप टी–२० २००७ मा एक शानदार छक्का प्रहार गरेका थिए। उक्त सटमा बल १ सय १९ मिटर टाढा पुगेको थियो। उनले त्यसबेला ३० बलमा ७० रन बनाएका थिए। युवराजको उक्त छक्का र इनिङको अहिले पनि उत्तिकै चर्चा हुने गर्छ।
६. मार्क वाउघ
मार्क वाउघ उनको खतरनाक सटका लागि परिचित छन्। शन्की पाराका उनी लामो सट हान्ने आक्रामक ब्याट्सम्यान हुन्। अष्ट्रेलियामा ओपनर उनले न्युजिल्याण्डविरुद्ध हानेको छक्का क्रिकेटको लामो छक्कामध्येको एक हो।
७. महेन्द्र सिंह धोनी
भारती क्रिकेट टिमका पूर्व कप्तान महेन्द्र सिंहले प्रहार गरेको सट क्रिकेट इतिहासको लामो छक्काभित्र पर्दछ। सन् २००९ मा उत्कृष्ट लयमा रहेका धोनीले न्युजिल्याण्डविरुद्ध प्रहार गरेको सट भयानक तथा शानदार मानिन्छ।
८. साहिद अफ्रिदी
पाकिस्तानी क्रिकेटर साहिद अफ्रिदी लामो बाउन्ड्री खेल्न मन मनाउाछन्। दाँया हाते ब्याट्सम्यान अफ्रिदीले सन् २००५ मा पर्थ स्टेडियममा प्रहार गरेको छक्का लामो सटमध्येको एक हो।
९.इजाज अहमेद
पाकिस्तानका पूर्व क्रिकेटर इजाज अहमेद स्टाइलिस ब्याट्सम्यानको रुपमा चिनिन्छन्। सन् १९९९ मा इङ्ल्याण्डविरुद्धको खेलमा उनले शानदार सट हान्दै बललाई १ सय १५ मिटरको दुरी कटाएका थिए। उक्त खेलमा पाकिस्तानले २ वटा मात्र छक्का प्रहार गरेको थियो। दुबै छक्का उनै अहमेदले प्रहार गरेका थिए। रोचक कुरा के छ भने अहमेदले छक्का प्रहार गरेको बल स्टेडियम बाहिर गएको थियो त्यसपछि नयाँ बल प्रयोग गरिएको थियो।
१०. महेन्द्र सिंह धोनी
लामो तथा ठूलो सट खेल्न रुचाउने महेन्द्र सिंह धोनी भारतका उत्कृष्ट ब्याट्सम्यान हुन्। उनले कमनवेल्थ बैंक सिरीजमा प्रहार गरेको छक्का क्रिकेट इतिहासको लामो छक्कामध्येको एक हो। उक्त छक्कामा बल १ सय १२ मिटर टाढा पुगेको थियो।
