काठमाडौं– नेपालकाे वनजंगल जडीबुटीकाे लागि प्रसिद्ध मानिन्छ। यहाँ पाइने जडीबुटीहरू औषधी उत्पादनका विभिन्न देशमा निर्यात हुने गरेकाे छ। देशका भिन्न भेगमा भिन्न किसिमकाे जडीबुटी पाइन्छ। तीमध्ये केहि जडीबुटीहरूका घरेलु उपयाेगिता छन्।
यार्सागुम्बा– दुर्गम हिमाली जिल्लाको पाखा भित्तामा हिऊँमुनि पुरिएर रहने यार्सागुम्बा एक प्रकारको लाभ्रे कीरामा ढुसी लागेर उम्रिने च्याऊ हो। यसको टुप्पा खैरो र फेद फिका पहेँलो हुन्छ।
यसले यौन क्षमता बढाउने कार्य गर्दछ भने फोक्सो र मृगौलाको क्यान्सरलाई पनि निको पार्दछ। यसले शरीरका सम्पूर्ण अंगहरुलाई सबल र सक्षम बनाउँनुका साथै वृद्धहरुलाई जवान पनि बनाउँछ।
भलायो– सुकेको भलायोको बीउलाई पिँधेर धुलो बनाएर यसको चुर्णलाई २–३ ग्राम नरिवलको तेलसँग मिलाएर सेवन गर्नाले पेटसम्बन्धी सम्पूर्ण रोगहरु निको हुन्छ। यसले पेटको जुका मार्छ भने, वीर्यको मात्रालाई पनि बढाउँछ।
बकाइनो– यसको फल, पात वा बोक्रालाई पिसेर लेदो बनाई लुतो, घाउ खटिरामा लगाउनाले वा बकाइनोकाे चूर्णलाई मनतातो पानी वा दुधसँग मिलाएर नियमित पिउनाले बिभिन्न प्रकारका चर्मरोग ठीक गर्दछ।
