काठमाडौं – फिल्म ‘लभ डायरिज’ को ‘अधुरो लाग्छ मेरो जीवन’ बोलको गीत सार्वजनिक भएको छ। मानस विक्रम थापाको शब्द रहेको गीतमा अहिलेका चर्चित युवा गायक प्रताप दास र प्रविशा अधिकारीले स्वर दिएका छन्।
यस्तै गीतमा प्रविण पौडेलको संगीत रहेकाे छ। रोमान्टिक गीतको भिडियोमा सुशील श्रेष्ठ, रुविना थापा र विश्वजीत रिमालको अभिनय रहेको छ। सौरभ चौधरीको निर्देशनमा रहेको फिल्म ‘लभ डायरिज’ लाई विनोद सापकोटाले निर्माण गरेका हुन्।
प्रेमकथामा आधारित यो फिल्म प्रेम दिवसको अवसर पारेर फागुन २ गतेबाट प्रदर्शनमा आउँदैछ। रिलिजअघि यो फिल्मले राम्रो चर्चा कमाएको छ।
https://youtu.be/wSQJB007V8k
