काठमाडौं– स्वस्तिमा खड्काको फिल्म ‘बुलबुल’ ले फ्रान्समा जारी दक्षिण एसियाली फिल्म फेस्टिभलमा पब्लिक च्वाइस अवार्ड जितेको छ। निर्देशक विनोद पौडेलले फेसबूकमार्फत अवार्ड जितेको जानकारी गराएका हुन्।
निर्देशक पौडेल र अभिनेत्री स्वस्तिमा खड्का अवार्ड समारोहमा सहभागी हुन फ्रान्स प्रस्थान गरेका थिए। ‘बुलबुल’ ले नेपालमा पनि कैयन् अवार्ड हात पारिसकेको छ। फिल्ममा विदेश गएका पतिको पर्खाइमा बसेकी एक नारीको जीवनमा आएको उतारचढावलाई देखाइएको छ।
मुकुन भुसाल, जोयस पाण्डे, लक्ष्मी बर्देवा लगायतका कलाकारको समेत शीर्ष भूमिका रहेको यो फिल्म समीक्षात्मक हिसाबले उत्तिकै रुचाइएको थियो। हाल यो फिल्म फोपी एपमा उपलब्ध छ।
