एजेन्सी – हलिउडकी चर्चित स्टार पामेला एन्डरसन र पुर्व हेयरड्रेसर जोन पिटर्सकाे सम्बन्ध टुटेकाे छ। विवाह भएकाे १२ दिनपछि नै पामेला र जोन अलग्गिएका छन्। उनले जोन पिटर्ससँग जनवरी १९ तारिखमा विवाह गरेकी थिइन् जुन पामेलाको पाचौं विवाह थियाे।
उक्त विवाह निजी समारोहबीच आयोजना गरिएको थियो। स्मरण रहोस् जोन पिटर्सअघि पामेला एन्डरसनले चारवटा विवाह गरिसकेकी छिन्। ५२ वर्षीया पामेलाले पहिलो विवाह अमेरिकी संगीतकर्मी टोमी लीसँग गरेकी थिइन्। विवाहको तीनवर्ष पछि नै यी दुई अलग्गिए। त्यसपछि पामेलाले किड रकसँग विवाह गरिन्।
रकसँग विवाह टुटेपछि उनले फिल्म निर्माता रिक सोलोमनसँग विवाह गरिन्। पछि उनको सोलोमनसँग पनि सम्बन्धविच्छेद भयो। तर पुनः प्याचअप गरिएको थियो। तर त्यो प्याचअपपनि धेरै दिनसम्म टिक्न सकेन।
