एजेन्सी– नायक अजय देवगण र नायिका काजोलको अभिनय रहेको चलचित्र ‘तान्हाजी’ ले बक्स अफिसमा धमाका मच्चाइरहेको छ। यो चलचित्रले बक्स अफिसमा २ सय ५० करोडको आँकडा पार गरेको छ। रिलिजको चौथो सातासम्म पनि यसको व्यापार घटेको छैन।
यसैबिच, यो चलचित्रले भारतको मुम्बई एरियामा मात्र १ सय १८ करोडको व्यापार गरेर मुम्बई सर्किटमा नयाँ रेकर्ड कायम गरेको छ। चलचित्रले मुम्बई सर्किटमा ‘टाइगर जिंदा है’ ले बनाएको रेकर्ड तोडेको हो। चलचित्र ‘बाहुवली २’ ले मुम्बई सर्किटमा १ सय ९१ करोड कमाएको थियो।
यस्तै, चलचित्र ‘पीके’ ले १ सय ५ करोड, ‘दंगल’ ले १ सय ४ करोड तथा ‘सञ्जु’ ले १ सय २ करोड कमाएको थियो। यस्तै, चलचित्र ‘टाइगर जिंदा है’ ले मुम्बइबाट मात्र १ सय ९ करोडको नेट कलेक्शन गरेको थियो।
