काठमाडौं– करिब ८ महिना सम्म मौन बसेकी वर्षा राउतले लगातार २ वटा चलचित्र साइन गरेकी छिन्। उनले ‘२ नम्बरी’ र ‘के घर के डेरा’ भन्ने फिल्म साइन गरेकी हुन्।
उनी चलचित्रमा भन्दा म्यूजिक भिडियोमा व्यस्त थिइन्। चलचित्र ‘जात्रै जात्रा’ रिलिज भएपछि वर्षाले अब आफू असफल चलचित्र सहन नसक्ने भन्दै नयाँ चलचित्र साइन गर्न समय लगाएकी हुन्।
वर्षाले अभिनय गर्न लागेको चलचित्र ‘२ नम्बरी’ को छायांकन माघको अन्तिमबाट सुरु हुँदैछ। यो चलचित्रमा नायक पल शाह र वर्षाको रोमान्स देखिनेछ। त्यस्तै सुव्रतराज आचार्यको निर्देशनमा बन्न लागेको फिल्म ‘के घर के डेरा’ मा वर्षा नायकद्वय दयाहाङ राई र विपिन कार्कीको साथमा देखिँदैछिन्।
यससँगै अर्को वर्ष वर्षाका २ वटा चलचित्र रिलिज हुने पक्का भएको छ। यो वर्ष पनि उनको ‘दाल भात तरकारी’ र ‘जात्रै जात्रा’ रिलिज भएकाे थियाे।
