काठमाडौं – लामो समयदेखि अन्यौलमा रहेको चलचित्र ‘सम्हालिन्छ कहिले मन’को प्रदर्शन मिति तय भएको छ। सुदर्शन थापाको निर्देशनमा निमार्ण भएको सो फिल्म भदौको २९ गते रिलिज गर्ने तयारीमा थियो तर यो मितिमा चलचित्र ‘पासवर्ड’ रिलिज भयो।
अब, नायिका पूजा शर्माको साथमा नायक आकाश श्रेष्ठ र गायक तथा कलाकार सोनम तोप्देनको मुख्य भूमिका रहेको चलचित्र ‘सम्हालिन्छ कहिले मन’ भदौको ५ गतेबाट रिलिज हुने भएको छ। तीजको अवसर पारेर यो चलचित्र प्रदर्शन गर्न लागिएको हो।
एबी इन्टरनेशनलको प्रस्तुतिमा तयार भएको यो चलचित्रको छायांकन बेलायत र नेपालमा गरिएको हो। निर्देशक सुदर्शन थापाले यो चलचित्रको छायांकनपछि चलचित्र ‘म यस्तो गीत गाउँछु २’ समेत तयार पारिसकेका छन्। चलचित्रको कुनै पनि सामाग्री सार्वजनिक गरिएको छैन।
