काठमाडौं – विगतमा प्रेमलाई पवित्र अर्थमा बुझिन्थ्यो। जोसँग प्रेम गरिन्छ, उसैसँग विवाह गर्ने, शारीरिक सुखभोग गर्ने प्रचलन पनि थियो। विवाहलाई जीवनभरको सम्बन्ध मानिन्थ्यो भने, सम्बन्धमा पनि मर्यादा र अनुशासन थियो।
त्यही कारण त विवाहमा एक किसिमको प्रतिवद्धता गराइन्थ्यो, दुलहा र दुलहीलाई जीवनभर एकसाथ रहने, दुःख सुख बाढ्ने, दाम्पत्य जीवनको मूल्य बुझ्ने, श्रीमान–श्रीमतीको मर्यादा र जिम्मेवारीमा रहेर त्यही अनुसार कुनैपनि दम्पतीले आफ्नो पारिवारिक मर्यादा, सीमा र अनुशासन पूर्णत पालना गर्दै दाम्पत्य सुखभोग गर्थे। तर हिजोआज त्यस्तो अवस्था छैन, प्रेमलाई केवल आकर्षणको रुपमा लिइन्छ।
जबसम्म आकर्षक देखिन्छ वा लाग्छ, त्यसबेलासम्म मात्र उनीहरुको प्रेम टिक्छ। सेक्सका लागि अब कुनै सीमा र मर्यादा नरहि यो शारीरिक भोग मेट्ने क्षणिक क्रिया मात्र रह्यो। मान्छेले यसलाई शारीरिक आवश्यक्ता मात्र ठान्ने, जब आवश्यक पर्छ, तब शारीरिक भोग गर्ने, आफ्नो सीमा र मर्यादालाई भुलेर जसरी पनि, जसको साथमा पनि सेक्स गर्ने प्रवृत्ति मौलायो।
यसको साइड इफेक्ट, दम्पतीबीच अविश्वास बढ्न थाल्याे उनीहरुले एकअर्कालाई भरोसा गर्ने ठाउँ रहेन, दुबै आपसमा सशंकित भए, यसले दम्पतीको सम्बन्धलाई क्रमस धरापमा पार्दै लगिरहेको छ। हिजोआजका दम्पतीहरु कुनै न कुनै तनाव, मनमुटावको अवस्थाबाट गुज्रिरहेका छन् भने, उनीहरुमा भावनात्मक सम्बन्ध छैन्, केवल देखावटी सम्बन्ध मात्र निर्वाह गरिरहेका छन्।
अहिलेका दम्पतीले दाम्पत्य जीवनको अर्थ के हो, भन्ने बिर्सिएर उनीहरु क्षणिक र देखावटी खुसीमा बढी रमाउन थाले, उनीहरुलाई दाम्पत्य सम्बन्ध केवल सामाजिक बन्धन मात्र हो भन्ने लाग्यो। एक श्रीमान र श्रीमतीले एकअर्काको भरोसा, विश्वास, प्रेम, सहकार्यमा दाम्पत्य सुख खोज्ने हो। तर, अहिले उनीहरु वाहिरी सम्बन्धमा विश्वास गर्न थाले।
परिवारलाई भन्दा आफ्नो मोजमस्तीलाई प्राथमिकतामा राख्न थाले, यही कारण उनीहरुले विवाह गर्दाको प्रतिवद्धतालाई पनि लत्याइदिए। विवाह केवल नाटकिय घटना जस्तो मात्र हुन थालेको छ। त्यस्तै अहिले काम, करियरको चक्करमा आपसी सम्बन्धमा सयनकक्षा चिसिदैछ। उनीहरुको मनमा प्रेम होइन, प्रतिशोधको भावना पलाउन थालेको छ।
किनभने श्रीमान–श्रीमतीले आफ्नो दाम्पत्य महत्व र पारिवारिक जिम्मेवारी र मर्यादालाई बुझेनन्।दम्पतीले विगतमा एकअर्काको खुसीका खातिर आफुलाई समर्पित गर्थे भने, उनीहरु आफ्नो स्वार्थ भन्दा पार्टनरको खुसीलाई प्राथमिकतामा राख्थे। तर अहिले आफुलाई केन्द्रमा राखेर सोच्ने र आफ्नो खुसीको लागि मात्र पार्टनरलाई बाध्य बनाउने प्रवृत्ति हुदैछ।
हिजोआज दम्पतीबीच भरोसाको सम्बन्ध छैन, उनीहरु एकअर्काप्रति शसंकित छन्, एउटाको मोवाइल, एउटाको इमेल अर्कोले प्रयोग गर्न सक्दैनन्।अहिलेका दम्पतीबीच गोपनियताको नाममा अविश्वासको खाडल बढ्दै छ। उनीहरु मन र तन साटासाट गर्न राजी हुन्छन्, तर सोशल मिडयाको पासवर्ड साट्न भने तयार हुँदैनन्। फलतः अहिले दम्पतीबीचको शारीरिक सम्बन्ध केवल एकअर्काको मन राख्ने मेलो मात्र भएको छ। उनीहरु वाहिरी सम्बन्धमा बढी रमाउन थालेका छन्।
