काठमाडौं– दहीमा भरपूर मात्रामा राम्रो ब्याक्टेरिया, मिनरल, क्याल्सियम र भिटामिनहरु पाइन्छ। जसले शरिरलाई धेरै खालका रोगहरुबाट बचाँउछ। धेरै मानिसहरु दहिको स्वाद बदल्नको लागि चिनी मिसाएर खान्छन्। तर, चिनी बाहेक यस्ता केही अन्य चिज मिसाएर खाएमा शरिरलाई यसको दुईगुणा फाइदा हुन्छ।
ड्राइफ्रुट्स– दहिमा चिनीको साथमा ड्राइफ्रुट्स मिसाएर खानुहोस्। यसले कमजोरी हट्छ र तौल पनि कम हुन्छ। यसका साथै तपाई दिनभर फुर्तिलो महसुस गर्न सक्नुहुन्छ।
कालो मरिच– यदि तपाईको तौल अत्याधिक धेरै छ भने दैनिक दहिमा कालो मरिच र बिरेनुन मिसाएर खानुहोस्। यसले शरिरमा जम्मा भएको बोसो कम गर्छ र तौल कम हुन्छ।
भात– केही मानिसलाई माइग्रेनको समस्या हुन्छ, यो दुखाई धेरै नै भयानक हुन्छ। यस्तो अवस्थामा दहि र भात मिसाएर खाएमा यसबाट धेरै आराम मिल्छ।
विरेनुन र भुटेको जिरा– दहिमा विरेनुन र भुटेको जिरा राखेर खानाले स्वाद र भोक बढ्छ। यस बाहेक यसले पाचन प्रणाली पनि राम्रो गर्दछ।
जौ र ज्वानो– दहिमा ज्वानोको धुलोलाई मिसाएर खानाले (बाबासीर) पायल्सको रोगीलाई फाइदा पुग्छ भने, दहीमा जौ ओट्स मिसाएर खानाले शरिरलाई क्याल्सियम, पोटासियम र प्रोटिन मिल्छ जसले हड्डी मजबुत हुन्छ।
मह र केरा– मह र दहि दुवै स्वास्थको लागि धेरै नै फाइदाजनक छ। यदि यी दुई चिजलाई मिसाएर खाएमा अनुहारको फोका, दागहरु ठिक हुन्छ र अन्यखालका समस्याहरु टाढा हुन्छन् भने, दहिमा केरा मिसाएर खानाले पेटको कैयौं समस्याहरु ठिक गर्दछ, यसको साथै रक्तचाप पनि नियन्त्रणमा रहन्छ।
