एजेन्सी – माछाको सेवन मानव स्वास्थ्यको लागी हितकर मानिन्छ। हाम्रो मुटु, मष्तिष्कलाई आवश्यक हुने तत्व माछामा पाइने विविध वैज्ञानीकहरुको अनुसन्धानबाट पत्ता लागिसकेको छ यद्यपी यसको नकारात्मक पक्ष पनि छन् जसले हाम्रो स्वास्थ्यमा नराम्रा असरहरु पार्छन्।
माछामा प्रसस्तै प्रोटिन र भिटामिन –डी पाइन्छ जसले हाम्रो शरीरका मांसपेसीको वुद्धी र विकास गर्छ तथापी त्यहि प्रोटिन बढि भएमा हानिकारक हुन सक्छ। माछामा धातु पारो पनि पाइने भएकाले गर्भवती महिला र नवजात शीशुलाई हानिकारक हुनसक्छ। मुटुरोगीका लागि माछा निकै फाइदाजक हुन्छ। माछा लो फ्याट, अधिक प्रोटिन, ओमेगा–३ पाईने भरपुर खाद्यपदार्थ हो। माछामा भिटामिन, मिनरल्स र अन्य पोषक तत्व पाइन्छ।
माछामा पाइने ओमेगा–३ फ्याटी एसिडले मुटु र मांसपेशीलाई बलियो बनाउँछ। माछा सजिलै उपलब्ध हुने खानेकुरा पनि हो, कैयौँ दिन सुरक्षित राख्न हानिकारक रसायन प्रयोग गरेर राखिएको माछा सेवन गर्नुहुँदैन।
बाहिरबाट आयातीत माछा भण्डारण गर्न ‘फर्मालिन’ नामक विषादी प्रयोग गरिएको हुन्छ। यस्ता विषादीको कारण माछाको सेवन फाइदा भन्दा पनि बढी बेफाइदाजनक हुनसक्छ। माछा सकेसम्म ताजा नै प्रयोग गर्नुपर्छ। यसैगरी प्याकेटमा बन्द माछा वा फ्रोजन माछा पनि उपयोगी हुँदैन।
माछा खानुका फाइदा
क्यान्सरबाट बचाउँछ : नियमित रुपले माछा सेवन गर्दा क्यान्सरको खतरा पनि कम हुन्छ। माछामा पाइने ओमेगा ३ फ्याटी एसिडले क्यान्सरको कोसिका बढ्न दिँदैन। माछा सेवनले ब्रेस्ट क्यान्सर, प्रोस्टेट क्यान्सरको जोखिम कम गर्छ।
उच्च रक्तचाप नियन्त्रण : माछामा भएको लो फ्याटका कारण उच्च रक्तचापको समस्या कम गराउन पनि सहयोगी हुन्छ।
मुटुका लागि : मुटुका रोगीलाई माछा निकै उपयोगी हुन्छ। माछामा पाइने ओमेगा ३ फ्याटी एसिडले मुटु र मांसपेशीलाई बलियो बनाउँछ। यसमा लो फ्याट हुन्छ जसले शरीरमा कोलेस्ट्रोलको मात्रा नियन्त्रण गर्छ।
मस्तिष्कका लागि : खासगरी पढ्ने बालबालिकाको लागि यो उपयोगी खान्गी हो। माछामा रहेको पोषक तत्त्वले मस्तिष्कलाई फाइदा पुर्याउँछ। यसमा हुने फ्याटी एसिडले दिमागलाई तेज बनाउँछ र स्मरण शक्ति बढाउँछ।
