एजेन्सी – निकै समयदेखि चर्चामा रहेको जोडी आदित्य नारायण र नेहा कक्कडको विवाह पक्कापक्की भएको छ। यी दुईले अफ स्क्रिन नभई अन स्क्रिन विवाह गर्ने कुरा भएको हो।
इन्डियन आइडल सिजन ११ मा यी दुईको केमेस्ट्रीबारे पनि विशेष कुराकानी हुन्छ। सोनीले एक भिडियो सेयर गरेको छ जसमा यी दुई रोमान्स गरिरहेको देख्न सकिन्छ। जारी गरिएको एक भिडियोमा यी दुई ‘काटे नहीं कटते दिन ये रात’ बोलको गीतमा नाचिरहेका छन्। भिडियोको क्याप्सनमा लेखिएको छ, ‘१४ फेबुअरी – मिति याद गर्नुहोस् किनभने यो दिन आदित्य र नेहा विवाह गर्दैछन्।’
आदित्य र नेहाको परिवार पनि पाहुनाको रुपमा इन्डियन आइडलको मञ्चमा उपस्थित भइसकेका छन्। दुबैको परिवार पनि विवाहको लागि राजी छन्। उदित नारायणले त निकै अघि नै यो कुरा स्विकार गरिसकेका छन्। सोनी टिभीको अनुसार इन्डियन आइडल ११ को सेटमा ‘भ्यालेन्टाइन्स डे स्पेशल’ एपिसोडमा यी दुईले सात फेरो लिने छन्।
